توة شنوة معناها يعملو فان كلوب لـ"الله" ؟
غريبة كيفاش واحد يوصل بيه تقديس الحاجة إلى تشليكها و ّيضحّك العباد عليه و على اللي يقدس فيه...
و كي واحد تجيه دعوة للإنضمام و يعمل "ignorer" ، بالعربي يحڨرها جملة و تفصيلا.. يتسمى كافر/مرتد؟ و يقام عليه الحد الشرعي... او انها يعديوهالو مسلم عاصي و يدعيولو بالهدى ؟
ديجا حكيت انا قبل على النوع هذا من التعبد الإلكتروني و كيفاش عباد تستنبط في طقوس جديدة و تبدى تعمل في حملات دينية على قضية موش موجودة من اصلو...،
تكونش عليهم الطقوس اللي عندهم ما يكفيوش و ما يحسسوهمش بحلاوة الإيمان...
بون انا هذا يبانلي نوع من الإستمناء الديني، حيث ما خلطش/ما نجمش/ما آمنش باش يطبق دينو بالڤدا، اهوكة يحاول يسلكها مع ربّو/ضميرو بـ"كليك" على "Joindre"
و خلاف الفازة هاذي ، كثرو الڤروبات و الحكايات من النوع هاذي (نحكي على الڤروبات التافهة موش الدينية) من نوع "قهيوة عالصباح في الفاك" و "قيلولة على جلد علوش" و غيرهم من الحاجات اللي ما عندها حتى محل من الإعراب...
ديجا قيل لي و مارك زوكربارڨ اعلم، انا فازة "الفان كلوب" طلعو بيها باش يشوفو مدى رواج سلعة/فنان/مذهب فكري/موقع و يقيسو بعدد المنضمين و الاحباء...
و اهوكة الفاهم يفهم...
الي فاتك غريب، فما فان كلوب حتى متاع ليلة القدر يا سيدي.. ما غير مانحكيلك على الكويز "هل تحب الرسول أم لا"، عملتو ياخي تلعط ما نحبوش، جاني واحد عملي فيلم كامل و فاللخر قالي برا شوف بسي "طبيب نفساني"
ردحذف:)
لـلـفايسبوكـيـيـن فـي ڨـروبـاتـهـم شـؤون
ردحذف