تـزلـيـقـة

رغم اني نحب التمزبيل البناء و النقد الموضوعي، و رغم التأنيب اللي تلقيتو من بعض الخلايا الدماغية اللي عندي اللي لاهية بديبارتمون الرقي في الفكر و الاحترام... و كذلك من بعض الخلايا "المهردسة" حسب تعبير ولد الفكرونة... إلا اني كبشت في حطّان الفيديو(اللي لقيتو عالفايسبوك) و "تخليد" تزليقة بلطي لسمير الوافي في سرفور البلوڤسبوت...

video

( كان تثبتو بالڨدا اتو تلقاو اللي سمير ڤحر للجمهور كي شاخ بالضحك عالفازة ياخي سكت...)

و اللي زاد شجعني على حطان الفيديو هوإستعمال سمير ل
اسلوب ياسر رخيص في النقد حيث كبش في تفاهات من نوع : علاش عامل لحية ؟ و شنوة رايك في البلالط... ؟
كذلك نقشة اخرى تحسب لبلطي وهي تعبيرو عن رفضو للرقابة المفرطة متاع العيلة و تدخلاتهم في الذوق الموسيقي لاطفالهم...

تي حاسيلو، الـلـي جـابـهـا لـز*ّـو الـلـه لا يـفـكّـو...

هناك 3 تعليقات:

  1. غير معرف25/4/09 04:29

    ياخي سمير يلعبها ........هههههههه
    برجولية كثرلها قالوا كيفاش في التسعينات مافماش برابول في كل دار!!!!!
    حسسني عايشين في سويسرا
    زيد بلطي مارشفهاش ليه هههههه يا مزلق شعرك تي قلوا اللحية زينة الراجل
    و انت م****ن خاطر مزلق شعرك اوفر دوز
    و كيف ما قا جون برنار شو
    الشمس تشرق من نوافذالفقراء

    ردحذف
  2. اهوكة قلتهالك : اللي جابها...

    ردحذف
  3. غير معرف6/11/09 21:53

    wino lvideo 3ad!?

    ردحذف

علّق على ما خلطْ... و بالطبيعة أيّ تعليق يحتوي على عبارات منافية للأخلاق الحميدة او منافية لأي نوع آخر من الأخلاق سيتمّ محْقُه...وشكرًا

Je traduis :

5alli commentaire(s) 3la ma 5latt et biensur ay commentaire(s) mouch bèhi yetfasa5...merci