خبر رمادي داكن

طبعا لا احد يمكنه إنكار إنتشار ظاهرة تزويج البنات الصغار(تحت 18 سنة) بالبلدان العربية و خاصة السعودية حيث تحتل المراتب الاولى في إنتشار البيدوفيلي الشرعية و ترجع اسباب إنتشار هذه الظاهرة إلى الاعتقاد في ان نكاح طفلة صغيرة يتسمى تابع إحياء السنة و خلاف ذلك تحرص بعض الهيئات كيما "هيئة الامر بالمعروف و النهي على المنكر" بالترويج لهذا النوع من الزواج حيث يخرّجو إحصائيات تفجع حول عدد العوانس في السعودية...لكن الإحصائيات هاذي تتسمى حاجة عادية مادامهم يأمنوا اللي طفلة عمرها 19 سنة مازالت ما عرّستش تتسمى عانس و بايرةو قريب توفى الصلوحية متاعها. و طبعا الهيئة هاذي تستعمل نفس الإحصائيات باش تزيد تروّج لتعدد الزوجات ...
الحاصل إلى جانب حرمان الشعب السّعودي من السينما و المسرح و زيد تحريم الغناء و الرسم و باقي الفنون ، تسعى الهيئة هاذي إلى تحويل ديار السعوديين إلى روضات اطفال مادام كل واحد ينجّم ياخو طفلة عمرها 10 سنين و زيد عندو الحق يشري 3 كعبات اخرين...
و انا من قبل كل ما نقرى حكاية على زواج القاصرات و خاصة كي يحكيو على اسبابها الا وهي الفلوس في المقام الاول ديراكت يجي لمخي تخيل إباحي ، كيفاش واحد يدور لمرتو و هم على فراش الزوجية : "يا مرا ولدك توة عمرو 15 سنة، بالكشي عشرة سنين اخرين يحب يعرّس و يبدى ناقص فلوس, إيجا إيجا بالكشي نجيبو طفلة..." و يبداو بزرع المواد الاولية لإنتاج بضائعهم....


لكن توة مازلت كي قريت خبر باهي انو ثمة 3 عدول رفضوا تزويج بنات في سن الثالثة عشرة و زيد ثمة محامي طالب برفع السن الادنى للزواج إلى 18 سنة.." oups " قال تقنين سن الزواج. يعني الفتيات في السعودية يعرّسو في اي عمر و اي وقت...المهم الشاري يلقى طفلة تساعدو و بو الطفلة يلقى شكون يعرف يقدر بنتو حق ثمنها

و بالنسبة لمقومات العرس ,اهوكة مادام الراجل مطابق للمواصفات : ان جائكم من ترتضون امواله واملاكه فزوجوه...

و بالنسبة لرضاء البنت هاذيكة حاجة مضمونة مللول دوب ما تولدت. وهو كي تجي تشوف لا يوجد معنى لسؤال البنت في تلك السن إن كانت راضية بالعرس و إلا لا حيث هي مازالت صغيرة عالرّيق هذا و زيد ڨحرة صغيرة من عند بوها او خوها اتو توافق ديراكت عالبيعة و بدون اي شروط

توة من المعروف و بحجج علمية لا يمكن دحضها ان هذا النوع هذا من الزواج يدمّرالطّفلة من النّواحي الكل خاصة كي يبدى الفرق في العمر كبير بينها و بين راجلها و يزيد يدمّر صغارها اللي باش تجيبهم و عمرها 14 او 15 سنة ، لكن نلقى تعاليق و مداخلات متاع عباد يقولو فيها : هاو امي و ممّاتي عرّسو و هوما صغار و هانا لا باس علينا و ما نعانيو من حتى شي و كذلك ما نتفكّرش امي شكات او تقلقت من عرسها...(معظم هذه التعاليق تيجي من الخليجيين)
توة ثمة واحد باش يقول امي ما عرفتش تربّيني !؟ او ممّاتي ضاعت فيها كي جات باش تربي امّي ؟ وخلاف هذا وحدة عرّست بالسيف عليها و عمرها 13 سنة ، لشكون باش تشكي و لشكون باش تحكي عالبؤس متاعها ؟ تي هي تعرف اللي حكاية فارغة تحكي و تشكي في مجتمع كان هو السبب الاصلي في معاناتها عندما وافق على تزويجها و هي في العمر هذاكة.
الحاصل قد تكون هاذي الإستفاقة الصغيرة وحدة من علامات الساعة او من كرامات اوباما او حتّى انه تمّ الإستجابة لدعواتي و صلواتي... لكن المهم لهنا انو لازمها تقوى و تكبر و تتنحّى جميع العراقيل و "الهيئات" اللي من شأنها إبقاء المجتمع العربي غاطس في مستنقعات الفكر الجاهلي خاصة انّو كيما قالو ناس بكري : "الجرب يعدي.."

هناك 4 تعليقات:

  1. j'ai apprécié tout le post sauf une phrase que t'aurais pas dû dire à mon sens: "الحاصل قد تكون هاذي الإستفاقة الصغيرة وحدة من علامات الساعة او من كرامات اوباما".. arrêtez de le prendre pour le messie! ce n'est pas le sauveur du monde, moin de là, et puis si quelque chose doit se faire en arabie saoudite et autre pays arriérés mentaux, ce n'est pas à Obama à la faire, mais c'est à son peuple!

    ردحذف
  2. لا لا انا لا اقصد تعظيم اوباما فهو ليس له علاقة بالموضوع و ما نعرفش علاش جبدتو انا من اصلو..
    يمكن كتبتها الجملة بشكل غير واعي لحقدي الدفين على المسبّحين بحمد اوباما
    و شكرًا عالمرور :))

    ردحذف
  3. توا فما دار نشر فرنسية قاعدة تحظ
    ر في كتاب على الحكاية هذة بقصّة بنت يمنية جابوها في برنامج الخط الأحمر اللبناني ، عمرها 14 عام ومطلقة
    البنت هذه نسيت اسمها إلّى باش يكون عنوان الكتاب، و فلوس مداخيل الكتاب الكل باش ترجعلها لأنها رجعت تقري واتحب اتولّى محامية باش اتدافع على البنات إلّى تصيرلهم حكاية كيف حكايتها

    ردحذف
  4. الزّح مجرّد كلمة "عمرها 14 عام ومطلقة" دورتلي خواطري...

    ردحذف

علّق على ما خلطْ... و بالطبيعة أيّ تعليق يحتوي على عبارات منافية للأخلاق الحميدة او منافية لأي نوع آخر من الأخلاق سيتمّ محْقُه...وشكرًا

Je traduis :

5alli commentaire(s) 3la ma 5latt et biensur ay commentaire(s) mouch bèhi yetfasa5...merci