رد على تدوينة استحمارية

قامت احد اثلاث الثلاثي المرح بجبدان سيرتي و سيرة غيري في تدوينة ملحمية على موضوع الحملة الفايسبوكية للاستزبار و قالت على المنضمين للمجموعة هاذي برشة كلام لا يندّى له جبين احد في الحقيقة لاننا استانسنا بيهم و بطريقة كلامهم...

المهم ,في التدوينة هاذي باش نوضح سبب وجودي في المجموعة هاذيكة و سبب قولي ما قلت، رغم اني نعرف اللي انا مانيش مطالب بهذا خاصة كي يبدى التوضيح موجه لكمشة ملاهط ( اللي الى حد الان بان من تملهيطهم كان الجانب الفكري و الاخلاقي... و هانا في انتظار الجوانب الاخرى)
لكن انا هاني باش نحكي كون مام ، بالكشي يستزبرو شوية و يرحمو رواحهم و ينحيو الكرافات اللي لابسينها ديمة و يتعلمو يعيشو...و زادة باش البعض ما يقراش التدوينة و يبدى يرمي في الاحكام جزافا..

بون قبل ما نبدى, نحب نعاتب
و نلوم على كاتبة التدوينة بكل ود -على اساس اني من الكليونات المحتملة نهار اخر- انو ما يجيش تحكي على عبد و تقول عليه كلام من اي نوع دون معرفة العبد هذاكة كيفاش يخمم و كيفاش يغزر للدنيا...

المهم، بالنسبة لكلمة استزبار، وغيرها من الكلام اللي يحسبوه برشة عباد كلام
بذيء، كتبت تدوينة قد راسي وضحت فيها نظرتي "للكلام الزايد" و كيفاش نتعامل معاه.. و قلت فيها ما معناه ان بالنسبة لي "استزبار" و "ترقي" و "تحسّن" و "تَطوّر"... كلها تؤدي نفس المعنى بالنسبة لي...
وبناء عليه تولي حملات "الاستزبار" اهم و اشد منفعة من حملات الاستغفار اللي لا تمثل سواء
حملات باش يلموا عباد و يمارسوا مع بعضهم و في بعضهم نوبات استمناء ديني...

كذلك انا كنت في تدوينة سابقة باسم "حى على الجهاد ،حي على الكوناكسيون" حكيت فيها موقفي من الغباء المدقع في الحملات من النوع هذا و اللي برشة بهايم من المنخرطين فيها يسخايلو رواحهم
كي يكليكيوعلى رابط الانضمام و يكتبو باعلى صوت في الكلافيي بعض من الدعاء و الايات القرآنية, انهم باش يدخلو للجنة.كوم و ,علاش لا , يوليو نهار اخر يشاتيو مع الحور عين و و تعملّو ستريبتيز في الكام...
اذن دخولي لمجموعة تعملت كرد تمقعيري على مجموعة انا ضدها، هو دخول مبرر و ماهوش مجرد تجريح لمشاعر البعض او المس بمقدسات البعض الاخر... التفوريخ من النوع هذا - اللي انتي مغرومة بيه- انا ما نستعملوش..


هاذوما كانوا اهم اسباب انضمامي للمجموعة, خلاف سبب اخر مهم ايضا و هو "الضحك" اللي ماذابيا نسألك عليه و نقلك : ايـن انـت مـنـه...

و عندي سؤال اخر حول حاجة صغيرة في تدوينتك الملحمية. توة التصاور اللي حطيتهم, مكتوب فيهم اسماءنا و الكلام الي قلناه... اذن علاش تعاود تكتب في اسامينا بالبنط العريض ؟؟ زعمة زعمة هاي الليستة متاع عملاء الشيطان براو تصرفو معاهم... ؟؟
ديجا الفازة فكرتني بمجموعة من المخرتلين كيفك تزعمو حركة التقصي من زنادقة العصر، عملو ليستة فيها اسامي بعض الدكاترة و المثقفين و قالو اللي لازمهم يتوبو سينون مزمرة عليهم....


اذن يا "تعفيط عبر التاريخ" المرة الجاية احرص على انك تحاول تعرف و لو القليل عن العباد قبل استعمال اساميهم و كلامهم و صورهم في فرقعاتك التدوينية, و كلامي هذا موجه ليك و لباقي الثلاثي و اذيال
كم كيما المسمّى ابن الجنوب و في رواية اخرى فوزي مسعود و كذلك ابو العربي و غيرهما...

بون نعرف انا ان كلامي هذا ما عندوش حتى تأثير فيك و في اللي كيفك على خاطر العباد اللي من نوعيتك انتي مغرومين كان بالتعميم و و ايجاد نقطة واحدة مشتركة ما تعجبهمش بين مجموعة من الناس و بناء عليها و على عقلهم المريض يحطوهم الكل في طابور واحد.... لكن برّا بركة، بطبيعتي اليوم فاضي شغل...


هناك 5 تعليقات:

  1. آنا موافقتك الرأي في كون أنو المجموعات الفايسبوكية هذه ما عندها حتى فايدة و تخلي الفرد يتقاعص في العمل الجاد بش يأدي المهمة متاعو في الحياة و ساعات تخليه ينحرف. ما نيش بش ندخل في التفاصيل.

    لكن يضهرلي إلي نتعارضو فيه، موش النقد الموجه لهذه المجموعات، لكن طريقة النقد إلي هي نوع معين من السخرية إلي يستفز جميع المسلمين موش كان إلي مساندين المجموعات الجهادية الفايسبوكية. و يضهرلي هذا واضح و انت فسرت علاش إنت معارض المجموعات هذه لكن ما فسرتش علاش ما عندكش مشكلة في انتهاج السخرية من كلام ربي و الرسول بش تأدي رسالتك، و الي المسلم يفهمو على أنو سخرية من معتقداتو

    ردحذف
  2. لو كان انا مشيت لمجموعة او مدونة متدينة و قلت الكلام هذاكة، اي عبارة واحد هازز البيرة و ماشي لجامع.. وقتها تولي قلة تربية و من حق اي واحد انو يحاسبني... لكني مارست سلوك في بلاصة تواتيه، و المجموعة من عنوانها باين شنوة فيها، اذن التشكي من المكتوب فيها يعد نوع من انواع الكلوف و جبدان الشبوك المجاني...
    ديجا انا كي جيت نشوف شنوة الاسباب اللي تخلي واحد متدين يدخل لمجموعة كيما هاذيكة، ما لقيت كان سبب واحد، و هو افتعال المشاكل المجانية و ايجاد لوبانة يقعد يمرطق فيها...

    ردحذف
  3. @Amel: Quand tu vas dans une église et que tu entends le prêtre dire que Jésus est l'unique sauveurs et qu'aucun prophète ne l'a succédé et qu'il est le fils de dieu, ceci fait il de lui un islamophobe ou un anti sémite? aucunement car c'est son culte et il n'est pas venu le dire dans un lieu de culte musulman. Idem quand tu est un membre d'un groupe Facebook dédié

    ردحذف
  4. bon ana lecteur lel blog mta3ek w sincèrement g pa aimé el méthode illi raddit biha; t5allik toudhhour ka'annek mat7ebbech enna9d é w mate7mlouch isma3 rahou l'article mta3ha fih barcha raison donc 3ayyech 5ouya jaweb ennes b tari9a t5allik toudhhour 5ir menhoum ma3naha ta5alli edialecte yestammer w enni9ach w i5tilaf el ara2 mouch mouchkla

    merci d'avance

    ردحذف
  5. اولا شكرا على مرورك و على كونك من قراء مدونتي المتواضعة...

    المهم، المشكل هنا يا اكسترابلوڨ هو في النية من وراء كتابة التدوينة و ليس التدوينة في حد ذاتها...
    شمعناها وحدة متدينة داخلة لڨروب كيما هذاكة ، ديجا من عنوانو باين شنوة فيه... و زيد تستعمل في اسلوب رخيص ياسر، لاني وجدت ان صاحبة التدوينة هي "صديقة" فايسبوكية، كان تثبت في الصورة اللي تخصني اتو تلقى اللي هي تنجم تكتب عالحيط متاعي، يعني هي عاملة قناع من فوق القناع الاصلي و "الشرعي" متاعها... و هذا تصرف ما يليقش بوحدة تقاوم في عملاء الشيطان و الطابور الخامس

    كذلك التركيز على الاسماء ما نظنش كان فيه ريحة النقد البناء او المقارعة بالحجة...

    لذلك انا باش نعتذر ليهم و لجميع القراء اني ما كنتش على المستوى اللي يستحقوه من البذاءة و الوضاعة

    و شكرا على التفهم اكسترابلوڨ :))

    ردحذف

علّق على ما خلطْ... و بالطبيعة أيّ تعليق يحتوي على عبارات منافية للأخلاق الحميدة او منافية لأي نوع آخر من الأخلاق سيتمّ محْقُه...وشكرًا

Je traduis :

5alli commentaire(s) 3la ma 5latt et biensur ay commentaire(s) mouch bèhi yetfasa5...merci