و اتفقا في قمة الاختلاف...

طلعو الزوز ذات ليلة للسطح من اجل تجاذب اطراف الدخان... و كذلك الحديث...
قعدو يغزرو للسماء بعينين مختلفين... و مبعد دار احدهما للاخر يغزر لوجهو يفركس كان ثمة حاجة فيه من ملامح السماء و بالتالي يلقى حاجة تبرر صداقتو و حبّو ليه... لكن ما لقى فيه من السماء كان لونو لازرڨ...
سألو قالو: مازلت تكره السماء ؟
جاوبو لاخر بابتسامة طافية و عينين ذابلين -من جرة الدخان- و قالو : و شنوة اللي يتحب فيها السماء ؟ شنعمل بيها.. ؟ و زيد ما حاجتيش بحاجة ما تضوى عليا كان في النهار اكهو... اما في الليل ديراكت تظلّم... و زيد تمنيني بنجوم ما نخلطش باش نراهم مليح بعيني،خلي عاد كان باش نستعملهم نضوي بيهم طريقي... تفـيه قالو سماء... ديـن سماء السماء... ! ياخى السبة الي قالها فكرتو باشياء اخرى : و زيد السماء لفقولها حكايات و روايات ما يجدوش على عاقل، خاصة اذا ها العاقل بدى يهبل وولى يتكلم عن خيوبية و سقوطية السماء...

ياخي جاوبو محب السماء و قالو : مهما تقول و مهما تعمل ماكش باش تبدلي رأيي و لا غزرتي للسماء... كي نغزرلها نرى فيها عينين حبيبتي اللي مازلت ما عرفتهاش... و لا انتي و لا عشرة كيفك يبدلولي غزرة عينيا لعينيها...

ضحكلو صاحبو و قالو: طول عمرنا نتخالفو و لا نهار واحد فينا تراجع عن رأيو..
جاوبو محب السماء: انتي اللي ديما تخالف فيا، كل ما نقلك راهي بيضة ، تتبسم التبسيمة الطافية متاعك و تقلي كحلة ...
ضحك لاخر قائلا: هاذي بركة مانيش باش نخالفك فيها...

سكت شوية محب السماء ثم استدرك مشعلا سيڨارو اخر و سألو:
و انتي علاش مخالفني ديما...؟
جاوبو كاره السماء: مانيش بلعاني.. اما يمكن هذاكة علاش نحنا صحاب و ما يحلالنا كل شي كان مع بعضنا... لو كان جيت كيفي, شنعمل بيك...
؟
جاوبو محب السماء متبسم نفس التبسيمة الطافية متاع صاحبو و قالو : بالحق.. انا بيدي ما عندي ما نعمل بيك كان جيت كيفي... هاني انا بحذايا يزي..

هناك 17 تعليقًا:

  1. غير معرف4/9/09 20:22

    ?dima mnayek

    ردحذف
  2. غير معرف4/9/09 20:31

    7ata éna 9olt haka :)

    ya ma7roug

    ;)

    ردحذف
  3. غير معرف4/9/09 20:33

    rit ma7léni

    ??

    nekteblek fil commentaires

    :)))

    ya mta3 el zerooooo

    :))))

    ردحذف
  4. اي ياسر محلاك.. الصغار الكل محلاهم...

    ردحذف
  5. غير معرف4/9/09 20:59

    :))))

    ردحذف
  6. MAGNIFIQUE!!!!

    très bien dit..., très bien résumé

    ردحذف
  7. Merci Byrsa pr le passage et ton commentaire

    ردحذف
  8. bravo Metal! j'adore ce genre de texte vrmt
    surtout pour:


    "مانيش بلعاني.. اما يمكن هذاكة علاش نحنا صحاب و ما يحلالنا كل شي كان مع بعضنا... لو كان جيت كيفي, شنعمل بيك...؟ "

    7louwa yesser l'invitation implicite à la tolérance

    aya zidna menou yé mabannou

    ردحذف
  9. غير معرف5/9/09 02:14

    Merci Byrsa pr le passage et ton commentaire

    rit ki n9ollek rak mochté9

    :))

    ردحذف
  10. معقول معقول. اما فما عباد تحب القينيا و انت تحكي و انا نزكي

    ردحذف
  11. جميل جدا ..برافو

    ردحذف
  12. Tres bien écrit ya mta3 el 7did

    ردحذف
  13. تبحث عن خيط رفيع لم و لن تجده في عقول هؤولاء ...فعلى من تقرأ كتابك ؟؟؟؟

    ردحذف
  14. @الحلاج
    في بعض الحالات يكفيك فقط قراءة كتابك... و اللي فهم فهم و اللي ما فهمش *******

    @بنت عايلة : لا تبالي.. لا تبالي.. هاذوكم كيما حب الشباب دواهم تطفّيهم...

    @ Tamtouma
    هاني نحاول يا طمطومة هاني نحاول... اما برا لوج شكون يفهمك..

    @ART.ticuler & مفعوص مزمر

    شكرا على المرور و شكرا على التعليق زادة (شماتة في الانونيم اعلاه)

    ردحذف
  15. حلوّة ياسر

    باهي كي فرح بيه كي هو ماهوش كيفو .. من غير ما رماه من فوق السطح :)

    ردحذف

علّق على ما خلطْ... و بالطبيعة أيّ تعليق يحتوي على عبارات منافية للأخلاق الحميدة او منافية لأي نوع آخر من الأخلاق سيتمّ محْقُه...وشكرًا

Je traduis :

5alli commentaire(s) 3la ma 5latt et biensur ay commentaire(s) mouch bèhi yetfasa5...merci