من الحاجات اللي تفددني بصفة عامة هو تكبيش احدهم في حاجة و يجعل منها اساس الهوية متاعو و سبب وجوده و الحكمة من خلقو، حيث يتحول بعضهم إلى مجرد كائن "فيراجي" او مخلوق موسيقي... و ما يحكي معاك في الدنيا كان على حاجة بركة (الحاجة اللي مهلوس بيها) و ما يلبس كان الحوايج اللي تواتيها و حتى في الحوم الافتراضية ما تلقى في بروفيلو كان موضوع واحد للصور و الشعارات و الفيديوات اللي يحطها...
اما يبقى التهلويس بالدين هو اكثر حاجة تفددني، حيث يقوم احدهم بتسخير بروفيله او موقعو للفيديوات و التصاور... و بين الفينة و الاخرى يطلعلك بكلمة او Statut جديد يكون في شكل دعاء او اية.. و طبعا لا حرج في ذكر الحملات والشعارات البهيمة برشة من نوع "إجعل صورة بروفايلك سبب دخولك الجنة" و "تحداني احدهم لتكديس 10000000 مسلم في مجموعة واحدة "....
و كذلك نفد مللي مهلوسين بالدين بطريقة اخرى ، حيث ما يفلتش اي فرصة لنقد الدين سواء بمقالات او صور و فيديوات، و يحاول يستغل اي فرصة باش يعبر عن احتقارو للدين و اهل الدين و اللي طلع بالطلعة المعفطة هاذي، و يبدى يجبد في الشبوك مع العباد المتدينين لين يوصلو يقولولو "لعنة الله عليك" فيجاوبهم هو بكل ثقة بالنفس "تخرالي فيه انتي وياه"...
توة شنوة الفرق بين واحد خاري فيه بالتدين الـبصـاص (اي من جماعة "اها اها راني متدين" ) و بين واحد كل همه في الدنيا هو نقد الدين... بالنسبة ليا هوما الزوز كيف كيف، حيث ما يقدمو حتى اضافة للدنيا بالتمخويج متاعهم... ديجا توة كل شي متوفر في الانترنات و اللي تحب عليه اهوكة المرشد الروحي متاعنا ينجم يجيبلك اي حاجة تلوج عليها دون اي عناء.
يعني كان حاسس عندك ميل للدين و الايمان اللي ثمة شكون يحكم فيك من فوق و راهو يحبك اما كان ما تسمعش الكلام يدخلك لجهنم، اتو تلقى معلومات على كل شي من احاديث و ايات... و كانك من هاك الجماعة اللهم عافينا اللي ما تجدش عليهم الهداري هاذي، كيف كيف تنجم تلقى الاف المواقع اللي فيها حجج على كيف ان الدين صناعة بشرية و انها مجرد طلعة اخرى للتحكم بالناس...
توة انا ما فهمتش كيفاش واحد يقول انو يحب ينشر رسالة من شأنها تسهيل حياة الناس و تخليهم عايشين في مرح و حبور، و مبعد تلقاه هو بيدو ماهوش عايش حياتو هو من اصلو... لانو اخـــــتــــزل حياتو في الدفاع عن مبادؤو و قناعاتو "الكبيرة" بصفة مكثفة , لين شــــلّــــكــــهــــا و افقدها القيمة متاعها, بما انو يدخلها في كل شي بداية من اسباب الازمة العالمية حتاكشي تحديد احسن استراتيجية لمقاومة انتشار الناموس ...
و ما نظنش ان الانسان كي يبقى قدام الكومبيوتر يلبس الـ tenue متاع الرسالة متاعو و مبعد كي يخرج ينحيه... لذلك باينة ان الريق اللي يعمل فيه من نوبات حملاتية في الانترنات هو بيدو اللي يعملو في الشارع... و كي تجبد معاه اي هدرة لازم يدخل الدين بطريقة او باخرى... سواء كان هو السبب في عمارها او خرابها..
ديجا عندي بعض الاقتناع التام بان اي واحد مهلوس تماما باي "حاجة" هو واحد ماهوش حاسس بفاعلية وجودو ويرغب في ابرازو عبر استغلال تلك "الحاجة"... يعني كي تجي تشوف الامور من الداخل تلقاها "الحاجة" هاذيكة هي مجرد وسيلة لتحقيق التوازن الوجودي للانسان و ليس كما يصرح هو و يقول ان حياته هي الوسيلة لنشر"الحاجة" هاذيكة.
المهم ،انا مؤمن بحاجة هو انو التوجهات الدينية كيفها كيما بعض الاعضاء الحساسة من الجسم، الكل نعرفو اللي عندك منها و نعرفو شنوة نوعها ، اما خليها مغطية يرحم بوك و اخطانا من التكريز الزايد ، و ما توريها للعباد كان كي هوما يبربشوك منها, سواء كان تبربيش سلبي او ايجابي. اللي يسبلك "متاعك", عـرّي عليه قناعاتك و قلو تشدني منهم... و اللي يمدحهم... بون كيف كيف، عرّيهم قناعاتك و اتو يشدك منهم زادة, لكن طبعا الفرق في نوعية الشدة و الغرض منها...
و المشكل انو صعيب ياسر كان باش تلقى شكون باش يتقبل بصدر رحب اي نقد موجه لـ"قناعاتو/اعضاؤو الحساسة" و غالبا ما سيكون الحوار عنيف و "ناتن" بعض الشي و توصل العباد الى ما لا يحمد عقباه من عرك و معروك و ساعات نولّيو نشوفو في كلام اقل ما يقال عنه انو "ڤـعـر" و ما يجيش من عند واحد قال اللي عندو رسالة باش يصلّح بيها حال البشرية.
انا ماذابيا فقط انو العباد تعرف اللي ثمة برشة حاجات اخرى في الدنيا خلاف الدين، سواء كان الدين هو الطريق الصحيح او انو سبب الخراب.... ثمة برشة حاجات مزيانين و ويستاهلو نحكيو عليهم خلاف حلاوة الايمان و سماحة الدين و كذلك ثمة برشة حاجات اخيب و افضع من ترهات الشيوخ البترو-اسلاميين متاع النايلسات...
اما يبقى التهلويس بالدين هو اكثر حاجة تفددني، حيث يقوم احدهم بتسخير بروفيله او موقعو للفيديوات و التصاور... و بين الفينة و الاخرى يطلعلك بكلمة او Statut جديد يكون في شكل دعاء او اية.. و طبعا لا حرج في ذكر الحملات والشعارات البهيمة برشة من نوع "إجعل صورة بروفايلك سبب دخولك الجنة" و "تحداني احدهم لتكديس 10000000 مسلم في مجموعة واحدة "....
و كذلك نفد مللي مهلوسين بالدين بطريقة اخرى ، حيث ما يفلتش اي فرصة لنقد الدين سواء بمقالات او صور و فيديوات، و يحاول يستغل اي فرصة باش يعبر عن احتقارو للدين و اهل الدين و اللي طلع بالطلعة المعفطة هاذي، و يبدى يجبد في الشبوك مع العباد المتدينين لين يوصلو يقولولو "لعنة الله عليك" فيجاوبهم هو بكل ثقة بالنفس "تخرالي فيه انتي وياه"...
توة شنوة الفرق بين واحد خاري فيه بالتدين الـبصـاص (اي من جماعة "اها اها راني متدين" ) و بين واحد كل همه في الدنيا هو نقد الدين... بالنسبة ليا هوما الزوز كيف كيف، حيث ما يقدمو حتى اضافة للدنيا بالتمخويج متاعهم... ديجا توة كل شي متوفر في الانترنات و اللي تحب عليه اهوكة المرشد الروحي متاعنا ينجم يجيبلك اي حاجة تلوج عليها دون اي عناء.
يعني كان حاسس عندك ميل للدين و الايمان اللي ثمة شكون يحكم فيك من فوق و راهو يحبك اما كان ما تسمعش الكلام يدخلك لجهنم، اتو تلقى معلومات على كل شي من احاديث و ايات... و كانك من هاك الجماعة اللهم عافينا اللي ما تجدش عليهم الهداري هاذي، كيف كيف تنجم تلقى الاف المواقع اللي فيها حجج على كيف ان الدين صناعة بشرية و انها مجرد طلعة اخرى للتحكم بالناس...
توة انا ما فهمتش كيفاش واحد يقول انو يحب ينشر رسالة من شأنها تسهيل حياة الناس و تخليهم عايشين في مرح و حبور، و مبعد تلقاه هو بيدو ماهوش عايش حياتو هو من اصلو... لانو اخـــــتــــزل حياتو في الدفاع عن مبادؤو و قناعاتو "الكبيرة" بصفة مكثفة , لين شــــلّــــكــــهــــا و افقدها القيمة متاعها, بما انو يدخلها في كل شي بداية من اسباب الازمة العالمية حتاكشي تحديد احسن استراتيجية لمقاومة انتشار الناموس ...
و ما نظنش ان الانسان كي يبقى قدام الكومبيوتر يلبس الـ tenue متاع الرسالة متاعو و مبعد كي يخرج ينحيه... لذلك باينة ان الريق اللي يعمل فيه من نوبات حملاتية في الانترنات هو بيدو اللي يعملو في الشارع... و كي تجبد معاه اي هدرة لازم يدخل الدين بطريقة او باخرى... سواء كان هو السبب في عمارها او خرابها..
ديجا عندي بعض الاقتناع التام بان اي واحد مهلوس تماما باي "حاجة" هو واحد ماهوش حاسس بفاعلية وجودو ويرغب في ابرازو عبر استغلال تلك "الحاجة"... يعني كي تجي تشوف الامور من الداخل تلقاها "الحاجة" هاذيكة هي مجرد وسيلة لتحقيق التوازن الوجودي للانسان و ليس كما يصرح هو و يقول ان حياته هي الوسيلة لنشر"الحاجة" هاذيكة.
المهم ،انا مؤمن بحاجة هو انو التوجهات الدينية كيفها كيما بعض الاعضاء الحساسة من الجسم، الكل نعرفو اللي عندك منها و نعرفو شنوة نوعها ، اما خليها مغطية يرحم بوك و اخطانا من التكريز الزايد ، و ما توريها للعباد كان كي هوما يبربشوك منها, سواء كان تبربيش سلبي او ايجابي. اللي يسبلك "متاعك", عـرّي عليه قناعاتك و قلو تشدني منهم... و اللي يمدحهم... بون كيف كيف، عرّيهم قناعاتك و اتو يشدك منهم زادة, لكن طبعا الفرق في نوعية الشدة و الغرض منها...
و المشكل انو صعيب ياسر كان باش تلقى شكون باش يتقبل بصدر رحب اي نقد موجه لـ"قناعاتو/اعضاؤو الحساسة" و غالبا ما سيكون الحوار عنيف و "ناتن" بعض الشي و توصل العباد الى ما لا يحمد عقباه من عرك و معروك و ساعات نولّيو نشوفو في كلام اقل ما يقال عنه انو "ڤـعـر" و ما يجيش من عند واحد قال اللي عندو رسالة باش يصلّح بيها حال البشرية.
انا ماذابيا فقط انو العباد تعرف اللي ثمة برشة حاجات اخرى في الدنيا خلاف الدين، سواء كان الدين هو الطريق الصحيح او انو سبب الخراب.... ثمة برشة حاجات مزيانين و ويستاهلو نحكيو عليهم خلاف حلاوة الايمان و سماحة الدين و كذلك ثمة برشة حاجات اخيب و افضع من ترهات الشيوخ البترو-اسلاميين متاع النايلسات...
مممممممم
ردحذفممكن وجود النوع أ هو سبب وجود النوع ب و العكس بالعكس و هكا من أول الدنيا غير توه ثمة شبه حرية افتراضية خلات الي لا شغل لهم الا نقد الدين - و منهم عاشور طبعا - يظهروا
لكن ثمة ملاحظة بسيطة على طريقة انت تساوي بين الفلسطينيين الضحية واسرائيل الجلاد
انت زاده تساوي بين اربعين فضائية دينية و الجزيرة و الانترنات و حتى نظامنا التعليمي الديني نوعا ما حيث لا نظرية تطور و لا ذكر لأي دين آخر أو فلسفة الحادية و الاف المواقع و الجامع الي بجنب داركم و الجامع الي بين زوز جوامع و و و
و بين أقلية مطاردة محاصرة محرومة حق التعبير العلني و مهددة في وجودها نفسه
آش جاب مكة لبوحجر
رغم الي معاك أن مكة و بوحجر الاثنين كيف تكثر منهم يمساطو لكن كل فعل عنده رد فعل و هاكا حال الدنيا و لا دايم الا وجه سبحانه :)))))
اهلا بعاشور
ردحذفانا نعرف اللي العباد اللي تنقد الدين "مـهمتها" اصعب برشة من لخرين، و نعرف كذلك اللي التيار الديني اقوى من التيار التفكيري سواء في المناهج الدراسية او حتى قهاوي الحومة... لكن انا كي قلت اللي الزوز كيف كيف ، قلتها عالانسان في حد ذاتو ، كي تحكي معاه في قهوة او عبر الانترنات، كي تغزر لبروفيلو، كي تدخل لمدونتو...
مانيش نحكي عالحركات و التيارات الدينية/الالحادية... هاذيكة هدرة اخرى خلاص
و شكرا على المرور عاشور :)))))))
يعطيك الصحة اشرف في التدوينة..عجبتني"للي يسبلك "متاعك", عـرّي عليه قناعاتك و قلو تشدني منهم... و اللي يمدحهم... بون كيف كيف، عرّيهم قناعاتك و اتو يشدك منهم زادة, لكن طبعا الفرق في نوعية الشدة و الغرض منها" اما نرى اللي ديمة منطق العنف موجود..يعني ما نصفاوش على 17 عرق...اما اللي عجبني في التدوينة النفس "الاعتدالي" متاعك و اللي موش لازم الواحد يعمل من قناعاتو كارت فيزيت ...
ردحذفارجو تقبل مروري
ردحذفمدونتي
http://pencigar.blogspot.com/
هههه مفعوص انا بيدي هاذي عجبتني : "موش لازم الواحد يعمل من قناعاتو كارت فيزيت"
ردحذفديجا من المعروف في البسيكولوجي ان عبد كي يكثر من حاجة تولي تحسوا يحشي فيه... و ساعات يبدى ما يعرفش اللي هو يحشي فيه و غادي تبدى الحشوة الصحيحة....
@IL Pardino
شكرا عالمرور